ඇත්තලවත්ත විහාරය

මෙම විහාරය 1761 කිර්ති ශ්‍රී රාජසිංහ රජු කල ඉදිකරවන ලද්දකැයි සලකනු ලබයි එම රජතුමාගේ නමින් මෙම ස්ථානයේ ඇත්හලක් පවත්වා ගෙන ගොස් ඇති අතර එම ඇතුන් බැඳ ඇති මෙම ප්‍රදේශය එකල ඇත්හලවත්ත නමින් ව්‍යවහාරවන බව ජනප්‍රවාදයේ පවතී එම ඇතුන් නෑවීමට යයි සකස් කල අමුණක් ද දක්නට ඇත පසු කලෙක මෙම භුමිය පුද බිමක් බවට‍ පත් කර සංඝයාගේ ප්‍රයෝජනය සඳහා පුජා කර තිබේ මෙම ස්ථානයේ පැවතී පුරාණ විහාරය දැවවලින් කල නිර්මාණයක් වශයෙන් පැවති අතර එය දිරා යාම නිසා පසු කලක වෙනත් විහාරයක් කරවා ඇත එම දැවපිට විහාරය මාදම්පේ සුමංගල ස්ථවිරයන් වහන්සේගේ සමයේ කඩා වැටී ඇති අතර එහි පැවති බුදු පිළිමය නැවත සකස් කර ඇති විහාරයේ තබා ඇත ඒ අනුව දැනට පවත්නා විහාරය ද පැරණි ගෘහ නිර්මාණ කලාව අනුව සකස් කර ඇති අතර මෑතක් වනතුරු ම එහි වහලට පැතලි උළු සෙවිලි කර තිබීමය තවද මහනුවර යුගයට අයත් චිත්‍ර මුර්තිවලින් දැනට පවත්නා විහාර මන්දිරය ද සකස් කර ඇත එසේම එකල පැවති ගෘහ නිර්මාණ කලාව ද මෙම විහාර මන්දිරය තුලින් දැක ගත හැකිය එසේම එහි බිත්තියක් අඟල් 18 පමණ ඝන වන බව පෙනේ මෙහිදී විශේෂයෙන් සඳහන් කල යුත්තක් නම් මහනුවර යුගයේ දී වැලිවිට සිල්වත් සමාගමේ ගනින්නාන්සේලා මෙහි වැඩ සිටි බවට‍ ජනප්‍රවාදවලින් හෙළිවීමය මෙම විහාරස්ථානය සතු විශේෂ අයිතියක් නම් ශ්‍රී පාදස්ථානයේ නායක පදවියට පත් කිරීම සඳහා ජන්ද බලය ඇති සබරගමුවේ පුරාණ විහාරස්ථාන පහ අතරට ඇත්තලවත්ත රජමහ විහාරය ද ඇතුලත් වීමය