#htmlcaption1 Go UP! Pure Javascript. No jQuery. No flash. #htmlcaption2 Stay Connected

෴ගවර කෙළිය෴



මහනුවර යුගයේ රජවරුන් ගවරා යොදාගැනීමෙන් පැවැත්වූ ක්‍රීඩාව ගවර කෙළිය නමින් හඳුන්වනවා ගවර කෙළිය ගැන කියවෙන පරිදි නම් එය ජිවිතයත් මරණයත් අතර සටනකි ගවර කෙළිය සඳහා ඉදිරිපත් වූ පුද්ගලයා ගවරා හා පොරබදා ජයගත යුතු වනවා මෙහිදී ඈත සිට විද මැරීම හෝ ආපසු පලා යාම මේ ක්‍රීඩාවේදී වලංගු වන්නේ නැත රජු විසින් නියම කරන දිනකදී රජුගේ සහභාගිත්වයෙන් යුතු උත්සවයකදී ගවර කෙළිය පවත්වනු ලබයි ගවරා හා පොර බැද ජයගත් ක්‍රීඩකයා හට මෙහිදී රජුගෙන් තාන්න මාන්න හා ගරුබුහුමන් ලැබෙන නිසා තම දිවි පරදුවට තබා හෝ මෙම ක්‍රීඩාව සඳහා ඉදිරිපත් වන්නන් එකල ඕනෑ තරම් හිඳ තිබේ

වරක් මෙවන් ගවර පොරයක් නරඹමින් සිටි රාජාධි රාජසිංහ රජුට මහත් අකරතැබ්බයකට  මුහුණ පාන්නට සිදුව තිබෙනවා පොරයේ යෙදී සිටි ගවරකු එකවරම රජුට ප්‍රහාරයක් එල්ල කරන්නට රජු වෙතට කඩා පැන තිබෙනවා කිසිවක් කර කියාගත නොහැකිවූ රජුව බේරාගැනීමට ඉදිරිපත්ව ඇත්තේ පුංචිරාළ නම් පුද්ගලයෙක් වහා ක්‍රියාත්මක වූ පුංචිරාළ ගවරා මෙල්ල කර සිය අසිපතින් උගේ දිව සිඳ දැමු බව සඳහන් වෙනවා සිය ජීවිතය බේරා දෙන්නට ඉදිරිපත්වුන පුංචිරාළ ගැන පැහැදුණු රජු ඔහුව දිසානායක පටබැඳිගේ නාමයෙන් සහ වන්නි විසිහතර පත්තුවේ රටේ ලේකම් පදවියෙන් පිදු බව සඳහන් වෙනවා ගවරාගේ අං වලින් පානපත්‍ර හෙවත් චෂක තැනු බව පොත පතේ සඳහන් වෙනවා අද අපේ රටින් වඳව ගියත් ඉන්දියාවේ වනාන්තර වල අදටත් ජිවත්වන ගෞර් නම් ගව විශේෂය එදා අප රටේ ජිවත්වුන ගවරාම විය හැකි බවයි බොහෝ දෙනෙකු විශ්වාස කරන්නේ


පුරාවෘත්ත බොහොමයක සඳහන් වන අයුරින් දාහත්වන සියවස පමණ වනතුරුම ගවරුන් නම් සත්ව කොට්ඨාශයක් මෙහි ජිවත්ව සිට ඇති බව විශ්වාස කළ හැකියි ගවරා යනු ගවයකුට සමාන ලක්‍ෂණ තිබු ගව පවුලේ සත්වයෙකි වසර ගණනාවකට පෙර මෙම සතුන් වඳවී ගොස් ඇතත් පුරාවෘත්ත වල සඳහන් ව ඇති ආකාරයට ගවරා යනු භයානක සත්වයෙකි බොහෝ සතුන් තවත් සතෙකු විනාශ කරන්නට හෝ ගොදුරු කරගැනීමට තමන්ගේ දත් අං හෝ දෙපා යොදාගත්තත් ගවරා ඒ කාර්යන් සඳහා උගේ දිව උපකාර කරගත් බවයි ජනප්‍රවාදයේ සඳහන් වන්නේ ගවරාගේ දිව කටු සහිත පීරක් බඳු රළු තියුණු අවයවයක් වූ නිසා ඌ වෙනත් සතුන්ව ලෙව කෑමෙන් පමණක්ම උන්ගේ සිරුරු වලින් මස් ගලවා ඉවත් කරගත් බවයි

2 comments:

{ Hasitha } at: 15 April 2013 at 20:27 said...

නොක්ස්ගේ පොතෙත් මේ ගැන කතා කරනවා මට මතක විදිහට

{ එදා හෙළදිව } at: 16 April 2013 at 23:31 said...

එදා හෙළදිව http://www.gutenberg.org/files/14346/14346-h/14346-h.htm

Post a Comment

Related Posts Plugin for WordPress, Blogger...
 

Copyright © 2010 • ජනකතා හා ඉතිහාසය • Design by Dzignine