තිසරණ සරණයි බුදුන් දැකපන්
මගේ සුරතල් මීවෝ උඹ උවෝ ..උවෝ ...උවෝ ...
සතර වරන් දෙවියන් හට බාරයි
මගේ මී වස්සා උඹ උවෝ.. උවෝ ...උවෝ ...
තිස්තුන් කෝටියක් දෙවිපිහිටයි
මගේ වහු දරුවෝ උවෝ.. උවෝ ...උවෝ ...
කතරගම දෙවි රැකපන් මගේ මී වස්සා උඹ
උවෝ.. උවෝ ...උවෝ ... උවෝයි..
දෙවි පිහිටෙන් ඇදපන්කෝ මගේ වහු දරුවෝ
උඹ උවෝ .. උවෝ.. උවෝයි ...
බුදුන් දැක නිවන් දැකපන් මගෙ එළවස්සා
උඹ. උවෝ.. උවෝ ...උවෝ .... හෝ
මුල්ලෙන් පලයන් මගෙ කිරි මීවෝ
උඹ. උවෝ.. උවෝ ...උවෝයි
ඉරු දෙවියන් ඉර මුදුනේ කව නැත
පලයන් මගෙ මී වස්සා උඹ
උවෝ.. උවෝ ...උවෝයි
පින් අත්වෙයි උඹලට අප්පේ
දුවෝ...හෝ ...උවෝ ...උවෝ ...උවෝ...
උඹට පව් නැත මගෙ මටිය වස්සා උඹ
උවෝ.. උවෝ ...උවෝ ... හෝ ...
ගොඩට යන්ට. දැන් දැන් දැන් ළඟමයි
උඹ . උවෝ.. උවෝ ...උවෝ ...
දෙවිපිහිටයි මගෙ වහුපැටියෝ උඹලට
උවෝ.. උවෝ ...උවෝ ...
තිසරණ සරණයි උඹලට මගෙ වහු දරුවෝ
උවෝ.. උවෝ ...උවෝ ...හෝ
මගෙ බත් පත සලසා දෙන
කිරිදුවෝ ....හෝ ....හෝ ....හෝ
මේ වෙල්යායට උඹේ පිහිටමයි
වහු දරුවෝ ...උවෝ.. උවෝ ...උවෝයි
දැන් වැඩ ඉවරයි ගෙදර යන්ට යන්
එලවස්සා උඹ උවෝ.. උවෝ ...උවෝ ... උවෝ....
හෝ .... හෝ .... හෝ .....
1 comments:
අප කුඩා දරුවන් කාලයේදීම මේ ගායනා ගමේ කුඹුරු යයෙන් සජීවීව අහන්න ලැබුනා. අද මේ සියල්ල අභාවයට ගිහින්. වෙන දෙයක් තබා අද කොළ මඩවන යන්තරයම 'භූතයා' කියා හැඳින්වීමෙන්ම පෙනෙනවා 'භූත දෝෂයේ' තරම. මේ ගායනා පටිගතකොට ආරක්ෂා කරනවානම් ඉතා වටිනවා.
Post a Comment